అయ్యప్ప భక్తులకు ఊరట: విమాన క్యాబిన్లో ఇరుముడికి అనుమతి

అయ్యప్ప భక్తులు ఇరుముడిని విమాన క్యాబిన్లో వెంట తీసుకెళ్లవచ్చని కేంద్రం మరోసారి స్పష్టం చేసింది. వరుసగా మూడో సంవత్సరం ఈ వెసులుబాటు కొనసాగుతుందని కేంద్ర మంత్రి రామ్మోహన్ నాయుడు ‘ఎక్స్’ వేదికగా ప్రకటించారు. భక్తుల సంప్రదాయం, మనోభావాలను దృష్టిలో ఉంచుకుని ఈ నిర్ణయం తీసుకున్నామని, యాత్రలో భక్తులకు ఇబ్బంది కలగకుండా చూడాలని అధికారులను ఆదేశించామని ఆయన వెల్లడించారు.
✓ Verified